पुणे : येथील रोझरी एज्युकेशन सोसायटीच्या वतीने केरळमधील पूरग्रस्तांसाठी एक हजार ब्लॅंकेट, लहान मुलांसाठी आवश्यक औषधे, गोळ्या, एक हजार किलो तांदूळ आणि एक हजार किलो डाळ असे साहित्य पाठवण्यात आले.
‘येत्या काही दिवसात पुन्हा आणखी एक हजार ब्लॅंकेट आणि इतर सामग्री पाठविले जाणार आहे. अशा मोठ्या नैसर्गिक आपत्तीच्या वेळी पीडितांसाठी आपण जी काही मदत करू शकतो, ती केली पाहिजे’, असे विनय अरान्हा यांनी या वेळी सांगितले.
